RKK yw rosweyth sewen heb kost a voy ages 80 kowethyans kovskrifen hag ertach dres Kernow. Omjunya gans RKK yw hyns splann dhe gavos skoodhyans dhyworth kowetha ha galwesigyon, klewes a-dro dhe jonsyow fondyans ha trenyans, rosweytha gans tus erel usi ow kwitha kovskrifvaow hag omnowedhi a-dro dhe ragdresow kovskrifva leel, ranndiryel ha kenedhlek. An bagas a gomprehend pubonan a govskrifvaow kemeneth ha galwesik selys hir bys kovskrifvaow bysyel byghan nowydh, kovskrifvaow a-berveth fondyansow erel ha bagasow ertach hag istori teythyek.
Gwriansow ha darvosow RKK
- Kuntellesow rosweytha trymisyek orth tylleryow divers eseli.
- Towlen drenya ow komprehendya sawyans ha gwith kuntellow, renkya kovskrivennow hag eghennow a skriven, fentynnyow warlinen, istori der anow, rivenegyans, paleografek, dineythi gober ha daswrians a derosa.
- Sedhogow trenya ha kussulya 1-dhe-1 rag kowethyansow unnik, po yn agas tre po yn Kresen Kernow, po der ebost po pellgows.
- Nowydhheansow e-bost a-dro dhe nowodhow, trenyans ha chonsyow arghasans.
- Kevarwedhyador eseli warlinen.
- Vysytyansow bagas rag agas bodhogyon/mayni dhe vires orth Kresen Kernow a-dryv darasow deges.
- Skwir Dader RKK, towlen nowydh skrifys yn arbennek rag kovskrifvaow nag yw dewisadow rag an dowlen genedhlek Warrantyans Kovskrivaow, mes neb a vynn diskwedhes i dhe dhyghtya aga hovadhow gwella galler.
Dhe omjunya RKK po rag derivadow pella, kestevewgh orth kesordenor RKK.
Feel free to share, but don't forget to tag us in!