Gidys dhe’n kuntellow

Kresen Kernow yw tre rag moy ages milvil a skrifow, lyvrow ha skeusennow a-dro dhe Gernow. An kuntellow ma re omdhisplegyas dres moy ages tri ugens bledhen ha komprehendya dell grysyn pub tremmyn a vewnans yn Kernow, ha’n dus yw kevrynnys  gensi.

An pythow kovskrifys – kepar ha skrifow, skeusennow ha mappow – re beu kreunys dhyworth niver kowrek a fentynnyow, y’ga mysk teyluyow a berghen tir ha tus leel. Res yw dhe nebes anedha (kepar ha kovskrifow governans leel) dos porres dhe Gresen Kernow, nebes anedha re beu argevres po gorrys avel arghow (ma’s gwithyn heb aga ferghenna) ha nebes a’n pythow re beu prenys genen. An kuntel a lyvrow, hag yw dre vras prenys po argevres, a gomprehend kevres ledan a destennow kevrynnys gans Kernow ha synsi ynno fugieth settys yn Kernow, lyvrow a-dro dhe Gernowyon a vri, ha lyvrow dyllys omma.

Hwilas y’gan menegvaow a yll bos tamm tyckli, rag henna ni re wrug an gidys ‘vas ma dhe destennow a’gan kuntellow. Ny’s desinyas dhe vos saw gorwolok verr: yma meur moy dhe vos diskudhys!

Kavadow genen ynwedh yw Gidys Hwithrans moy olldalghus, ha kavadow on pub prys dhe dhegemeres galwen bellgows po ebost (kresenkernow@cornwall.gov.uk) rag gweres gans agas govynnow hwithrans.