Ammeth ha kerghynnedh

Kresen Kernow a with kevres bras ha divers a govskrifow kelmys dhe ammeth ha’n tir yn Kernow.

Kovskrifvaow teyluyow gwelhevin leel, a berghenna meur a’n tir, a gomprehend lies skrif – mappow y’ga mysk – a dhiskwa menystrans parkow ha devnydh a’n tir, keffrys hag arbrovow gans trevasow ha bestes, omvyskans yn kowethasow amethek ha diskwedhyansow ha kedhlow a-dro dhe’n dus a oberi y’ga manoryow ha bargennyow tir. Kovskrifow maner ha lys a wolowboynt kedrynnow a-dro dhe berghenogeth tir hag oryon. Kemynskrifow ha dydhlyvrow a yll diskudha manylyon a-dro dhe vewnansow an dus a amethi yn Kernow, keffrys ha daffar, bestes ha diwysyansow kevrynnys. Rolasow gwerthas ynwedh a re deskrifansow pur dha a vargennyow tir ha bestes.

Kresen Kernow a druedh ynwedh kovskrifva H W Abbiss, Kussulyer Ammeth Kernow yn kres an 20ves kansvledhen, a syns ynni lies folennik, derivas ha dyllans a-dro dhe ammeth vleujyow, diskwedhyansow gwenton ha Gorsav Prevyansow Lannystli, yn-mysk maters erel. Skrivennow an Konsel dhyworth an Kessedhek Ammeth (1920-1967), y’ga mysk moy ages ugens lyver kovnotyans, a yll ri kedhlow a-dro dhe bolisi amethek formel.

An Kovskrif Kerghynnedh Istorek a yssyns arhwithransow manylys an dirwedh, yn arbennek a ranndiryow ugheldir Kernow, skeusenweyth ayrek a verkyow trevas ha dorgeow gwrys dres an diwettha 30 bledhen, gidyans manylys a-dro dhe dreven ha keow, skoodhyans ha kussel rag towlow kerghynnedh ammeth, perghenogethow park,  Meyn Kov Kovskrifys ha pythow ertach leel, parkow ha lowarthyow, tirwedhow afinus ha tiredhow park.

Termys hwithra alhwedh: farm, agriculture, harvest, weather, storm, livestock, arable, pasture, horticulture, botany, plant names, trees, garden, and individual farm names

Kuntellow alhwedh: AD233 (H W Abbiss), CC/17 (Agriculture Committee), AD1592 (Newton Farm, Tregony)

Dyllansow alhwedh: Old farming days:  life on the land in Devon and Cornwall by Robin Stanes, 2005; A Cornish farmer’s diary: selections from the diary of James Stevens of Zennor and Sancreed (1847-1918) edited by P.A.S. Pool, 1977; The Cornish landscape by W.G.V. Balchin, 1983.