Art, lien ha drama

Hedhyw Kernow a’s teves ranngylgh awenek bewek ha, dres kansow a vledhynnyow, an dirwedh re beu fenten a awen rag artydhyon ha skriforyon.

Kresen Kernow yw tre rag kuntel bras a bythow dyllys a-dro dhe artydhyon yw kevrynnys dhe Gernow, keffrys ha kuntel efan a fugieth ha bardhonieth gans skriforyon kepar ha Daphne du Maurier, Jack Clemo, Charles Causley ha Winston Graham.

Ni a with ynwedh kovadhow derowel hag artweythyow dhyworth lies artydh ha skrifer. Y’ga mysk yma kovskrifva teylu Garstin, a gomprehend milyow a lytherow ynter artydh Norman Garstin ha’y vebyon Crosbie ha Denis, neb o skriforyon, ha’y vyrgh Alethea, o artydhes, hag yth yssyns mammskrifow a nebes a’ga oberow dyllys.

Kovskrifva Denys Val Baker a yssyns taklow pur dhivers, y’ga mysk novelys yn furv vammskrif, hwedhlow berr hag erthyglow. An kuntel a yssyns lytherow dhyworth tus liennek a vri kepar hag Iris Murdoch ha John Betjeman.

Kresen Kernow yw tre ynwedh rag kovskrifva an artydhes Mary Mills. Bardhes an Orsedh o Mills, ha’y ober a veu devnydhys rag lymna lies dyllans kernewek.

Ni a druedh ynwedh kuntellow kovskrifva dhyworth kowethasow gwariva divers yn Kernow, y’ga mysk Redruth Players, Truro Amateur Operatic and Dramatic Society ha Hel rag Kernow, ha ni a’gan beus kuntel bras a skrisellow a argemmyn pub eghen a berformyans divers. Plenys-an-gwari istorek Kernow, hag yw gwarivaow a-ves, yw diskwedhys war vappow y’gan kuntellow.

Y hyllir dyski moy a-dro dhe ilow ha golyow kernewek y’gan gid dhe guntellow a’n taves Taves ha gonisogeth Kernewek.

Termys hwithra alhwedh: individual names of artists, amateur dramatics, theatre, show, performance, musical, painting, drawing, craft, knitting, sewing, embroidery, drama, concert, orchestra, choir

Kuntellow alhwedh: GN (Garstin), X1394 (Mills), AD2451 (Baker), X651 (TAODS), HFC (Hall for Cornwall)

Dyllansow alhwedh: Art in Cornwall by Michael Bird, 2012; Artists in Newlyn and West Cornwall 1880-1940: dictionary and source-book by Melissa Hardie, 2009; The theatre of Cornwall: space, place, performance by Alan M. Kent, 2010; The literature of Cornwall: continuity, identity, difference, 1000-2000 by Alan Kent, 2000.