Istori kerth

Hwithra istori agas chi ha/po tir a yll bos argerdh kompleth mes meur dhe les. Sewena a greg war dreusvewnans kovadhow, ha nyns yw hemma kesson. Y hyll kregi ynwedh war bygemmys yw aswonnys genowgh  seulabrys a-dro dhe’n gerth, ha heb dhout kregi a wra war b’eur veu drehevys an gerth ha py le usi hi yn Kernow.

Kyns dalleth, tybyans da yw dhe vires orth agas skrifennow titel drefen y hyllons i bos gweres bras gans dedhyasow ha manylyon. Ynwedh, y hallsa redya lyver po lyver-termyn istori kerth, po peuri gwiasva dhe les dhe ri dhywgh tybyans a byth yw, martesen, kemyskys ynno.

Dhe Gresen Kernow yma divers fentynnyow hag a yll bos dhe les rag’as hwithrans, y’ga mysk Mappys Arhwithrans an Ordnans (dhyworth 1880, 1906, 1933 ha bledhynnyow 1950-70), mappys dega ha kevrennow (a-dro dhe 1840) ha mappys ha desinyow stat erel. Kovadhow a berghenogyon deythyek a yll kontaynya skrifennow dhe les, rag ensampel titlow, gobrenansow ha rentow. Ni a’gan beus ynwedh kovadhow Talvosegyans Ranndir dhyworth 1910, ha kovadhow toll erel, keffrys ha skrifennow  divers dhyworth konselyow yn Kernow ow tochya kerthow unnik. Mar mynnowgh godhvos piw a driga y’gas kerth, lyvrow toll-annedh ha kovlyvrow a etholoryon (dhyworth 1922) yw fentynnyow posek, ha’n niveryans a allsa bos dhe les ynwedh.

Istoriow dyllys a’gas ranndir teythyek a allsa bos poynt da ynwedh dhe dhalleth agas hwithrans. Mars owgh hwi feusik, martesen agas chi re beu hwithrys seulabrys! Mars yw rolys agas chi, y fydh kovadhys y’n Kovadh Kerghynnedh Istorek. Kovadhow konsel a gomprehend ynwedh kovadhow dhyworth kessedhogow towlennans.

Ty a yll iskarga omma Gidlyver Kresen Kernow orth Istori Kerth (Sowsnek)

Termys hwithra alhwedh:  map, tithe, rates, planning, deeds, leases, house or farm name, deed, architect, search by place name or plan/map format

Kuntellow alhwedh: TM (tithe records), (DV) District Valuation, (CC) Cornwall Council and (DC) District Council records

Dyllansow alhwedhThe Cornishman’s house: an introduction to the history of traditional domestic architecture in Cornwall by Veronica Chesher, 1968; A guide to the do’s and don’ts of house and cottage interiors by Hugh Lander, 1982