Kernow gynsistorek

Trevesigans yn Kernow a dhallathas nans yw milyow a vledhynnyow, hag yma dustuni lowr a hemma oll a-dro dh’agan tirwedh.

An Kovadh Kerghynnedh Istorek a govadh leow hendhyskoniethel ha meyn kov, tylleryow trovyans, trevesigethow ha tremynnow an dirwedh. An kuntel ma a sew an res a vewder denel yn Kernow ha Syllan, dhyworth teknegieth vesolithek selys yn flynt (nans yw 5000 bledhen), dres leow ha systemow gwel a’n Osow Brons ha Horn. An kovadhow, dineythys dhyworth arhwithransow, arvreusyansow ha kleudhyow, yw keskelmys dhe guntel bras a skrifennow. Yntredha yma erthyglow dyllys, derivasow hendhyskoniethel andhyllys, ha gwiasvaow dhe les keffrys ha myns bras a skeusennow. Dre vras, an kovadhow re beu dineythys gans Kowethas Hendhyskoniethel Kernow hag Unses Hendhyskoniethel Kernow, keffrys ha gans bodhogyon ha bagasow kemenethel.

Kresen Kernow yw tre ynwedh dhe’n kovadhow henstudhyoryon arbennek, y’ga mysk delinyansow ha mappys ow tiskwedhes tremynnow hendhyskoniethel ha kerghynedhel. Ni a syns ynwedh derivasow dyllys divers, dydhlyvrow ha lyvrow a-dro dhe’n karnow, krugow, meyn kov, dinasow ha trevesigethow hag a yll bos gwelys a-dreus Kernow.

Merkyewgh mar pleg: Ny wra Kresen Kernow synsi trovyansow hendhyskoniethel.

Y hyllir hwilas omma an Kovadh Kerghynnedh Istorek (Sowsnek).

Termys hwithra alhwedh:  monument, barrow, standing stone, hillfort, archaeology, antiquary, antiquarian, individual site names

Kuntellow alhwedh: Hwilewgh an Kovadh Kerghynnedh Istorek (Sowsnek)

Dyllansow alhwedh: Cornish Archaeology; Royal Institution of Cornwall Journal, Old Cornwall journals; The Archaeology of Cornwall, Caradoc Peters, 2005; Cornwall’s Archaeological Heritage, Cornwall Archaeological Unit, 1990; The Survey of Cornwall, Richard Carew, 1602; Observations on the Antiquities Historical and Monumental of the County of Cornwall, William Borlase, 1754