Kovadhow konselyow

Kresen Kernow yw an kovskrifva awtorita leel rag Kernow. Kovskrifow governans leel a yssyns lies tremmyn a vewnans pubdedhyek, herwydh an pyth ragdho may’s tevo omgemeryans yn presyow divers (kepar ha difresyans an voghosogyon, yeghes ha gonisyow socyal, fordhow hag adhyskans). Omgemeryansow governans leel re janjyas herwydh reythyow senedh divers, kepar ha Reythyow Governans Leel a 1888, 1893, 1958 ha 1972.

Kresen Kernow a syns an kovskrifow rag Konsel Konteth Kernow (1889-2009), 36 konsel ranndir trevek ha powek (ha’ga awtoritas yeghesek ha kesvaow yeghes kevrynnys), 12 konsel burjestra, y’ga mysk Lostwydhyel (dedhyes dhyworth a-dro dhe 1194) ha 137 a gonselyow pluw ha tre (1894-2012). Yn 2009, y hwarva dasordenans a wovernans leel dhe gesunya Konsel Konteth Kernow ha’n hwegh Konsel Ranndir Kernow dhe formya unn awtorita leel kernewek, Konsel Kernow.

Kovadhow konsel a gomprehend lies sort dyffrans a skrivennow, dhyworth lyvrow kovnotennow dhe akontow, kesskrif ha paperyow menystrek. Martesen y talvia hwithra onan a’gan folennow themys erel, kepar ha Boghosogneth ha Yeghes, po Skolyow, rag pella kedhlow drefen y vos possybyl kovadhow konsel dhe synsi ynna manylyon ha kedhlow pals a-dro dhe istori socyal.

Kyns fondyans an Konselyow Konteth yn 1889, meur a venystrans leel a veu dyghtys dre vanoryow unnik, pluwow ha’n lysow. Y hyllir kavos kedhlow keworansel yn folennow thema arbennek, po na hockyewgh kestava orthyn mara’s beus govyn. Dedhyas a yll bos dallethva dha, drefen bos an brassa rann a govskrifow restrys yn aray termyn.

Termys hwithra alhwedh: borough, district, town, rural, highways, roads, footpath, education, planning, minutes, electoral register/roll

Kuntellow alhwedh: CC (‘Cornwall County Council’ collection), CC/5 (highways), CC/HF (footpaths and rights of way), CC/13 (vehicle licensing), DC (District Council)

Dyllansow alhwedhCornwall County Council 1889-1989: a history of 100 years of county government by A.L. Dennis, 1989