Skeusennow

Kresen Kernow a syns kansvilyow a imajys istorek a Gernow keffrys hag a dus ha darvosow junys dhe Gernow. Nebes a’n imajys ma yw negedhennow gweder, re erel yw gravyansow, pryntow ha kartennow post. Nebes anedha yw glusys yn lyvrow kuntel, re erel yn skryppys ha maylyers.

Lies a’n skeusennow ma re dheuth dhyn dre guntellow teylu unnik. Ynwedh, ni a’gan beus kuntel skeusenner gwask George Ellis hag a syns ynno moy ages 100,000 negedhen. Ellis a dheuth dhe Vosvena dhyworth Loundres orth dalleth Nessa Bresel an Bys hag ena y trigas ev, ow kemeres skeusennow a Gernow Est hag a’y thus dres an vresel bys y’n bledhynnyow 1970.

Kovadh an Kerghynnedh Istorek (Sowsnek) a syns ynno keffrys milyow a imajys a dhrehevyansow istorek ha tirnosow hag a verk an dirwedh gernewek. Y’ga mysk yma imajys a bonsyow, fenestri, dorjiow ha krowsow, keffrys ha kuntel bras a skeusennow dhyworth an ayr.

Rivenegi agan kuntel yw ragdres a bes, gwrys dre vras gans bodhogyon. Ragwir rag an rivenegyans yw an negedhennow gweder, rag may teffons ha bos moy hedhadow. Y hyllir peuri agan imagys rivenegys omma.

Termys hwithra alhwedh: album, photograph, postcard, slide, negative; dewisewgh ‘photograph’ yn furvas

Dyllansow alhwedh: A Cornish camera by George Ellis and Sarah Foot, 1982