Kernow: tre ha dhe-ves

Moy es hanter milvil a dus a asas Kernow y’n 19ves kansbledhen ha mos dhe leow tramor ha dhe gen le yn Breten. Meur a’n dhivroegyon ma o gweythoryon dhiwysyansel, yowynk, andhemedhys ha gorow – yn arbennik tus bal – neb a dhiberthas rag hwilas aga fortun. Hwilys veu an dus bal ma wostalleth rag aga honigeth a valweyth karrek gales mes, hag an balyow yn Kernow ow teklinya, y hwilsons i ken ober tramor. Wostalleth yth ethons i bys yn Amerika Kres, ha diwettha bys yn Amerika Kledh, Ostrali hag Afrika Dyghow. Dell grysir, yma lemmyn moy es hwegh milvil a dus a henedh kernewek dres oll an bys.

Dhe les, martesen, yw agan fylm kott ow tochya an rann gernewek y’n Fysk rag Owr. Merkyewgh, mar pleg, bos an fylm ma rann kevres Facebook Live, ytho gevewgh dhyn a’y nas.

Ynwedh, agan diskwedhyans warlinen Kernow ha’n West Amerikanek, keskelmys dhe’n kors-dyski GCSE:  https://kresenkernow.org/exhibitions/cornwall-and-the-american-west/.

Merkyewgh, mar pleg, nebes a’n skrifow dhe synsi ynno geryow hilgasek ha divlas. Ny wra hemma representya prederow an Gonis Kovskrifennow ha Studhyansow Kernewek. Gevewgh dhyn a neb offens kawsyes gans agan komprehendyans a’n geryow ma.